LUCERNENSIS Lacus

LUCERNENSIS Lacus, LUCERNERSEE Helvetiis

Lac de Lucerne Gallis, ab urbe Lucerna super hoc lacu ad fluv. Ursae effluxum sedente, dictus: plus Lucernatibus commodi. quam illi ex agro suo hauriunt, affert. Huic iungitur alius Silvanius nominatus, qui in priorem influit, et proprie der vier Waldstettensee vocatur, quia medius inter Uriam, Suitium, Underwaldiam et tugium stagnat. Ab hoc non longe Occ. versus in pago Silvanio visuntur parvuli laculi, quorum Orientalior Huvylsee. Occidentalior Lungersee: ex duobus rivis effunduntur, qui simul iuncti influunt in Sachslersee laculum, e quo rivus Aa fluit, se infra Stantium in Lucernensem lacum praecipitans, Plantin.